Adekuá pa tur nivel, korementu di baiskel ta un ehersisio aeróbiko di impakto abou ku ta ofresé un rikesa na benefisionan.
Na 2011 i 2017 un revishon di estudionan a konfirmá ku ehersisio ta stimulá poder di selebre i ta yuda wanta Alzheimer den esnan di mas edat i a proba di ta mehorá funshon kognitivo (aktividat intelektual konsiente, tal manera pensa, rasoná, of rekordá) i yuda pa redusí dekadensia.
Un estudio na 2018 a deskubrí ku pashèntnan di edat ku tin doló di rudia i osteoartritis (artritis di wesu) den realidat a mehorá nan kondishon ora korementu di baiskel a keda introdusí den nan rutina, probando ku manera nos ta subiendo di edat, tumando tempu pa ehersisio—hasta djis drai rònt pa algun minüt kada dia—por ta enormemente benefisioso.
Un estudio na aña 2014, publiká den “Pediatrics”, a mustra ku muchanan ta hasta mas positivamente impaktá ku tempu riba baiskel—i e ehersisio ei por yuda kontrolá problemanan manera ADD: Attention Deficit Disorder
Di akuerdo ku un estudio na 2011 di koredónan di Tour de France, korementu di baiskel bèrdaderamente a oumentá durashon di bida di e koredónan. Den promedio, e profeshonalnan di pasado a biba 81.5 ana, kompará ku bida di e poblashon 73.5 ana: un oumento di 17 porshentu!
Un estudio a sugerí ku hasta koredónan di baiskel ínformal ta benefisiá. Pa individualnan ku ta kambia di outo pa baiskel, a keda balorá ku 3 pa 14 luna di bida por a wòrdu alkansá, kompará ku e desbentahanan potensial di korementu di baiskel.
Un otro estudio na 2018 a demostrá ku korementu entre djis 1 pa 60 minüt pa siman por a kòrta e riesgo di morto prematuro te ku 23 porshentu.
