Pa hopi tempu, nos sa ku paisnan ku ta konsumi hopi produkto di lechi, tin e sifranan mas altu di kánser di pechu. Pero esaki no ta na nivel di e país so; nos por wak hende muhe ku tabata intolerante na lactose ku dor di nan kondishón a konsumi menos produkto di lechi, ku nan tabata tin menos riesgo di desaroyo di kánser di pechu, kompará ku hende muhe ku tabata konsumi produkto di origen di lechi di forma regular of “normal”.
Pero e razón dikon, tiki tiki ta birando mas I mas klaro. Banda di 20% òf 1/5 di tur tipo di kánser tin su orígen den agentenan infesioso. Un virus po ehempel por trigger kambionan den nos DNA ku por laga cèlnan bira maligno, òf stroba nos defensa elimina cèlnan maligno na tempu. Nos a diskurbi ku e Bovine Leukemia Virus, un virus ku ta kausa kánser den bakanan, por wordu aislá di forma rutinario den produktonan di lechi! Lo ta ku e virus aki por hunga un rol den desaroyo di kanser di pechu ? Warda nos siguiente post, y lo nos ban wak e efectonan di e virus aki.
Mitar di e steekproefnan di lechi I karni a resulta positivo pa e virus BLV. Nan a haña ku ta posibel rekolektá e virus den laira I den lechi fresku. E virus ta inkorpora su mes den nos DNA, I nan a haña hopi mas BLV den e DNA di hende muhe ku kánser di pechu, ku hende muhe sin kánser di pechu, tantu ku nan a kalkula ku 37% di kaso di kánser di pechu por wordu atribui na e virus BLV. Nos ta sospechá ku e hende muhernan aki a wordu expone na e BLV dor di konsumo di karni òf lechi infektá. Awor kon e factor di riesgo aki ta kompara ku sobrá factor mas konosí?
Terapia ku hormona direktá a hende muhe ku menopausia, ta hisa e risiko di kánser di pechu ku 30%. Si un hende muhe tuma anticonceptiepillen pa mas di 12 aña, e risiko ta subi na 40% pa kánser di pechu. Si un hende muhe tin obesitas ku edat > 45, e risiko ta 60%. Pero haña infekshón di BLV por hisa e risiko más ku 90%! E uniko faktor mas fuerte pa e desaroyo di kánser di pechu ta pa tin e mutashón BRCA. Lo ta ideal pa nos hasi tur kos ku nos por pa evitá exposishón na e virus aki.
1. G C Buehring, H M Shen, H M Jensen, D L Jin, M Hudes, G Block. Exposure to Bovine Leukemia Virus Is Associated with Breast Cancer: A Case-Control Study. PLoS One. 2015 Sep 2;10(9):e0134304.
AGRI-VIEW. Research links bovine leukosis, breast cancer.
2. Khalilian M, Hosseini SM, Madadgar O. Bovine leukemia virus detected in the breast tissue and blood of Iranian women. Microb Pathog. 2019;135:103566.
3. Schwingel D, Andreolla AP, Erpen LMS, Frandoloso R, Kreutz LC. Bovine leukemia virus DNA associated with breast cancer in women from South Brazil. Sci Rep. 2019;9(1):2949.
4. Buehring GC, Shen H, Schwartz DA, Lawson JS. Bovine leukemia virus linked to breast cancer in Australian women and identified before breast cancer development. PLoS One. 2017;12(6):e0179367.
