Pa añanan largu investigashon a keda hasí pa trata komprondé dikón hende ta gusta posponé, i te ku awor ainda e motibunan no ta kompletamente konosí.
E último obra a mustra ku maneho di tempu no tin nada di hasi ku e fenomeno aki, pesei anto, bisando un hende ku gusta posponé pa “stòp di gasta tempu i simplemente hasi e kos”, ta manera insistí ku un persona pa e “stòp di preokupá i pa e tin ánimo.”
Dikón esaki ta e kaso? E motibu básiko di posponementu ta un fayo pa regulá emoshonnan na sièrtu punto den tempu. Ora un hende posponedó ta enfrentando un enkargo signifikativo, kosnan ta bai asina’ki:
- Bo ta realisá ku tardansa ta perhudisial
- Bo ta enfoká riba hasi bo mes sinti mihó na e momentu ei (bo Kryptonite¹)
- E deseo aki ta tuma kòntròl kompletamente ofer
- Bo ta postponé e enkargo
- Bo ta spera lo mihó den futuro (ku ta nifiká: “gamble”)
Dr. Timothy A. Pychyl di Carleton University ta bisa ku esaki ta un mekanismo di regla pa nos someté pa asina nos sinti bon, òf loke mi ta yama: Trampa di Plaser. Esaki ta bini dor di e kobardía ku por surgi ora di studia anatomia (òf kualke otro asuntu). Si bo no kapta e material, ta posibel ku lo bo trata di evit’é manera ta evitá plaga – i esei ta komprendibel.
Pero, bo no por kontinuá hasiendo otro kosnan pa pone bo sinti bo mes bon pa semper.
Si bo sigui hasi esaki, nunka lo bo logra studia òf logra e metanan di kuanan bo ta kapás di alkansá. Afortunadamente, tin hopi manera pa dil ku posponementu (ounke ku no ta semper nos ke tende di esakinan!). Ata algun idea:
Parti bo trabou (apliká hábitonan atómiko). E problema mayó di posponementu ta sinti bo mes bon na e momentu presente. Pesei, dikón no bringa kandela ku kandela i proveé bo mes eksaktamente ku esei? Si bo tin di terminá sierto enkargo, pero bo ta haña ku bo mes ta pèrdè enfoke na mitar kaminda, trata na dividié den partinan mas chikitu i fásil pa manehá. Partiendo un tarea den su elementunan básiko, nos ta gaña nos mes pensando ku nos ta logrando mas, i esaki ta funshoná pa tene nos mes motivá.
Hasié di forma positivo i satisfaktorio. Distraishonnan instantáneo por mehorá bo estado di ánimo pasobra nan ta pone bo lubidá e disgusto ku bo ta sinti pa ku e enkargo ku bo tin di kumpli ku ne. Diripiente, buskando origen i historia di bo fam riba internèt, òf purba di wak bo outo riba Google Earth, ta un fasinashon inkreíbel. Manera bo deseo pa evitá e enkargo ku ta yegando mas serka ta birando mas grandi i ta menasá di vensé bo, e probabilidat di blòkia distraishonnan gradualmente ta birando ménos i ménos probabel.
Buska resilensia²: loke tur hende eksitoso tin en komun ta ku den un modelo òf forma nan a haña un manera pa superá e deseo humano básiko pa keda den su zona di komodidat. I laga nos ta honesto i enfrent’é: buska komodidat generalmente ta indiká ku nos ta floho te den nos higra. I skohe pa ta “infelis” aworaki lo kambia den felisidat sin límite despues. Ki ora esei lo sosodé, òf kuantu tempu e lo tuma ta diskutibel, pero historia a demostrá ku frekuensia ku persistensia ta digno pa konsiderá.
Kambia bo perspektiva: Tur kos den bida ta perspektiva, i nos lo no tin motibu bálido pa teme e enkargo ku ta na porta si nos djis wak e un poko diferente. Similar na loke a wòrdu bisá den Hábitonan Atómiko, kambiando nos identidat pa por personifiká e proseso lo pèrmití kresementu ekstraordinario, i hasiendo asina na hopi okashon ta rekerí di nos pa kambia nos perspektiva tambe.
Pordoná bo mes: Komo un posponedó, den profundidat di bo ser bo sa ku loke bo ta hasiendo ta perhudiká bo prestashon den futuro. Si esaki resultá den falta di kapasidat profeshonal, bo por kritiká tantu bo mes komo bo ínabilidat pa asina bo stòp ku posponementu. Pero esaki lo sirbi solamente pa agregá mas emoshonnan negativo na bo kabés, i ademas, manera bo a mira kaba, un posponedó no ta disfrutá di emoshonnan negativo. Un práktika ku ta un bon yudansa ta pa simplemente bo pordoná bo mes despues di a posponé, aseptando ku tin biaha kosnan simplemente ta bai robés, i proponé bo mes pa próksimo biaha bo hasi e kosnan di forma mihó.
Resumiendo
Posponementu no ta asina tantu un problema di maneho di tempu, sino un problema emoshonal. Ku enfoke i perseveransia, bo por vensé!
Bo ta kla pa kuminsá hasi algu ku bo posponementu? No djis bisa ku bo ta bai hasié…,
sino: Bai p’é!
Promé ku bo kuminsá studia i lesa esun buki aya ku semper bo a bisa ku bo tin ku les’é, traha riba e aptitut ku bo a primintí bo mes di kuminsá ku ne, òf simplemente tèrminá algun di e kosnan di hasi den kas, programá bo “tempu-pa-mi-mes” ku asina bo por wak adelantá e rekompensa ku bo ke alkansá.
¹ Material fiktisio ku ta aparesé primeramente den storianan di Superman
² Kapasidat di adaptashon
